A
lugori
de Ottone Bacaredda (1849-1921)
Scarica il
file audio MP3 di questa poesia
per ascoltare la versione recitata da Ignazio Pilia (409 kb)
Happu ingiriau su mundu cant'est mannu
e 'nc' happu bistu cosas de fai spantu,
happu suffertu dognia sort'� dannu,
conosciu it'est s'arrisu, it'est su prantu;
prus fero�i ses tui, bella Lugori.
Is ogus tuus, alluttus che su fogu,
sa bucca tua, prus frisca de una rosa,
in su coru m'hant fattu cussu giogu
chi no assimbilat a nisciuna cosa,
chi spizzulat e poburu e signori,
e chi ddi nanta, sino sbagliu, amori.
Tui sola biu, Lugori, in dognia parti,
stella luxenti in notti de beranu;
sempri ti sigu, e no conosciu s'arti
mancu de lompi a ti stringi sa manu�
comenti su profumu de unu flori,
t'intendu e no ti toccu, o mia Lugori.
E seu feli�i de ti cuntemplai
che una Nostrassignora in processioni,
e suffru e timu de no m'ammacchiai
a biri chi no intendis arrexoni,
ma po ti fai cumprendi it'est amori
t'hem'a bolli basai, bella Lugori.