|
||||||||||||||||||||
El
Parco del Sulcis, coi só 68.868 ètari, el xe el pi grando dei futuri Parchi
Naturali Regionali
creài da la
Lege Regionale
n. 31 del 7 de giugno del 1989. Atualmente, l'ente parco no 'l xe stà ancor
costituìo ma gran parte del teritorio la
xe proteta par efeto de le
proprietà de l' Axienda Foreste Demaniali
de la
Sardégna e del W.W.F.
El se cata 'nte la
parte sud-ocidentale
de la
Sardégna, e l' òcupa na grosa area del grupo montuóxo che 'l se tróva tra la
gran vale
del Cixerri a nord, la
piana de Villaperuccio, Giba e Narcao a ovest, le
pianure costiere de Capoterra, Villa San Pietro, a est e quele
de Pula, S. Margherita e del Gólfo de Teulada fin la
baja de Chia a sud.
I munti del Sulcis visti a l'óra del tramónto
dal Stagno de Capoterra
Fa parte del parco 4 Comunità Montane (n.19-22-23-24) e 15
comuni: Assemini, Capoterra, Domus de Maria, Masainas, Narcao, Nuxis, Pula,
Santadi, Sarroch, Siliqua, Teulada, Uta, Villamassargia, Villaperuccio e Villa
San Pietro. Solo
che 4 de 'sti séntri abitài i xe rento i confini del Parco, l’area de fati la
xe póco popolà
e ai paixi prinsipali
ghe xe spéso tacàe pìcole
frathion o paexoti de canpagna ciamài furriadroxius, difuxi soratuto 'ntel
setor pi orientale
tra Santadi e Nuxis.
L'area del parco la
xe indicà 'nte le
carte de l’ I.G.M.I. (XXV° serie, 1° ed. 1992) in scala
1:25.000 di: Assemini (556, II), Siliqua (556, III), Narcao (565, IV), Capoterra
(565, I), Santadi (565, III), Villa San Pietro (565, II), Teulada (573, IV) e
Domus de Maria (573, I).
L'area del Parco del Sulcis
Le prinsipali
strade par rivarghe xe la
provinsial nùm.12 par Santadi, che la
pasa par tuto el grupo montuóxo e la
comunal che da Domus de Maria la
porta fin Punta Sebera e a la
Caxerma Forestale
de Is Cannoneris. Tute dó le
strade le
xe sfaltàe solo in parte ma se pol comunque pasarghe fasilmente.
